(ursprünglich im Journi-App erstellt)

Nachli wyters Sightseeing…
Es rägnet immer wieder mal, immer no Nachwehe vom Sturm. Und trotzdem bliibts mit 30 Grad verusse mässig ahgnähm. Drinne isch natürlich fröschteligi 18 grad dank Klimaanlag. Aber au das – typisch USA.

Öppis hani no i de FOX News (Sender wo klar PRO Trump isch) ufgschnappet.
Sie händ ja jetzt i de USA au e Hitzewälle mit einige Tote – am Meischte im Weschte mit bis zu 48 Grad. Und da meint de gladni Experte am TV:
“d’Klimaerwärmig isch nöd es Problem. s’richtige Problem isch de tüüri Strom für d’Klimaanlage! Und sowieso würdet im Winter meh Lüt an Erfrierige sterbe als ar Hitz im Summer. Also was sölls”
Tja, so chammer sich d’Problem au “schön” rede… 🙂