(ursprünglich im Journi-App erstellt)

3 Äbig – 3 Baseball-Spiel
3x Kansas City Royals vs Detroit Tigers

Chönnt für die Eine chli langwilig töne… aber für en Basefan gar nöd.
Jedes Spiel isch anders, will d’Reihefolg vo de Batter (Schläger) wächslet und au vo de Spieler sälber. Aber vor allem sinds anderi Pitcher! Und das macht de Unterschied.

Ich bi wahrschinlich eine vo wenige gsi im Stadion wo alli 3 Spiel gseh händ – will mr sich ide USA d’Saisoncharte ufteilt und nur ab und zue und wänns passt gaht.
Bi 81 Heimsspiel pro Jahr au verständlich 😉 🙂

Es sich echt cool gsi, und mit 3 verschiedene Plätzli hani au verschiedeni Perspektive gha. Und einmal händs sogar gwunne. 🙂 Aber Kansas hätt bisher ganz e schlächti Saison mit 28 Sieg zu 69 Niederlage.